حمو بيكا: «عاملين ندوة كبيرة وطالعين تستهزأو بينا»

كتب   شروق خالد
    25 نوفمبر 2021     ‪3:48 AM‬  
حمو بيكا: «عاملين ندوة كبيرة وطالعين تستهزأو بينا»

هاجم مؤدي المهرجانات حمو بيكا، الفنان هاني شاكر نقيب المهن الموسيقية والفنان تامر عبد المنعم بعد حديثهما، أمس الثلاثاء، عن أسباب منع مطربي المهرجانات من الغناء، في الصالون الثقافي بقصر السينما.

وعبر "بيكا"، عن استيائه وغضبه الواضح في بث مباشر عبر حسابه الشخصي على إنستجرام بقوله: "لقيت ندوة كبيرة معمولة والدنيا مقلوبة علينا، فيها ممثلين وواحد ممثل اسمه تامر عبد المنعم ويقولك أنا مش هتكلم غير لما الناس تنزل من على المسرح.

وأضاف: "المكان اللي عامل عليه الندوة ده اسمه المنصة، متقولش مسرح إنت مش واقف تغني، الناس كلها بتتكلم باسم مصر، وأنا بحمل هوية مصرية وعندي ولاء أكتر منكم في البلد دي".

وتابع بغضب: "عاملين ندوة كبيرة وطالعين تستهزأوا بينا، أنت متستهزأش بيا، عصر أم كلثوم وعبد الحليم كان زمان مش دلوقتي خالص، إحنا في سنة 2021 وده جيلنا وعصرنا احنا بعد اذنكم".

واستكمل: "بيقولوا لو عايزين تغنوا غنوا بره مصر.. ليه؟، مشيرًا: "ما دي بلدنا برضو، إحنا محدش يمنعنا وإحنا في بلد حرية ومفيهاش منع، وبلد بتتقدم بالجمال والحلاوة".

واستطرد: "وحدوا الله ومش تحسسونا إن إحنا بيئة وزبالة، أنتم شايفينا كده عشان عايزين تشوفونا كده، الظلم حرام، وأنا بتكلم عن نفسي، وبقالي 5 سنين وغنيت إسفاف ولكن ده من زمان، ووقتها مكنتش أعرف يعني إيه نقابة ولما عرفت بطلت ومفيش كلام خارج بيطلع مني".

واختتم: "إحنا في عصر السيسي بلد الحرية والعدل والقانون، وأنتم عايزين البلد ميبقاش فيها حرية، وطول ما في ملايين وأطفال بيحبوا حمو بيكا، يبقى أنا لسه مكمل المشوار، ومتقدرش تمنعني، حرام عليكم".



وفي سياق متصل، وجه مطرب المهرجانات حمو بيكا رسالة شكر لرجل الأعمال نجيب ساويرس علي دعمه الدائم للفن خاصة أغاني المهرجانات.

ونشر "بيكا" صورة لـ"ساويرس" عبر صفحته الشخصية علي فيس بوك وعلق عليها قائلًا: "شكراً لرجل الأعمال المحترم نجيب ساويرس على دعمه الدائم للفن بجميع فئاته.. وبالاخص فن المهرجانات".

جدير بالذكر أن، نقابة المهن الموسيقية، برئاسة الفنان هاني شاكر، أعلنت مؤخرًا عن أسماء من ليس لديهم تصريح للعمل، والممنوعين من الغناء، وهم كالتالي: "حمو بيكا، حسن شاكوش، كزبرة وحنجرة، مصطفى زكريا الشهير بمسلم، أبو ليلة، أحمد قاسم الشهير بـ فيلو، أحمد موزة، حمو طيخة، ريشا كوستا، وسمارة، شواحة، ولاد سليم، العصابة، الزعيم، علاء فيفتي، فرقة الكعب العالي، مجدي شطة، وزة، شكل، عمرو حاحا، وعنبة، وحسن أبو الروس".