«شوفلك حد ينضف قلبك من الغل والصفار اللي فيه» .. حمو بيكا يهاجم تامر عبد المنعم بعد تصريحاته الأخيرة

كتب   ريهام لاشين
    25 نوفمبر 2021     ‪4:46 AM‬  
«شوفلك حد ينضف قلبك من الغل والصفار اللي فيه» .. حمو بيكا يهاجم تامر عبد المنعم بعد تصريحاته الأخيرة
أثار مؤدي المهرجانات الشعبية، حمو بيكا، حالة من الجدل الواسع بعد رده علي هجوم الفنان تامر عبد المنعم عليه، بسبب حديث الأول بأنه أكثر وطنية عنه وجاء ذلك عبر حسابه الشخصي بموقع "فيس بوك".

وجاء رد "بيكا" كالآتي: "رداً علي كلام المدعو تامر عبد المنعم، الحمد لله انا مش مستني حد زيك يقولي اقري او مقراش، انا معايا اخواتي هما عيني وضهري".

وتابع مؤدي المهرحانات بإستياء واضح: "انا بقي اللي بقولك شوفلك حد ينضف قلبك من الغل والصفار والتنمر اللي فيه، يمكن ربنا يكرمك وتلاقي اللي ييدك دور تمثله ولا حاجة".

واختتم: "وحسبي الله ونعم الوكيل في كل شخص معاه سلطة وبيتحكم في خلق الله احنا معانا ربنا مش سلطه وقرارت وحقي هاخده".

وخلال الساعات الماضية، رد الفنان تامر عبدالمنعم، على مطرب المهرجانات حمو بيكا بعد حديث الأخير عنه، بأنه أكثر وطنية منه.

وعلق "عبدالمنعم" عبر حسابه الشخصي بموقع "فيس بوك": "السؤال للدكتور حمو بيكا ولا ما حموهوش.. أنا ما هاجمتكش أساسًا، كل الموضوع إني استضفت النجم الكبير هاني شاكر في صالون ثقافي حول إشكالية حرية الإبداع والمنع، وبالمناسبة قال فيه حمو يذاكر كويس ويدخل الإمتحان وربنا معاه يعني ما منعكش".

وتابع: "أما بالنسبة لوطنيتك اللي اقحمتها في الموضوع .. أحب أقولك أنا لم أشكك فيها، وبالمناسبة وجودك أنت وفرقتك في احتفالات أكتوبر مش دليل عشان تستند عليه".

واختتم: "شكرا.. نسيت أقول لك شوف حد بيعرف يقرأ عشان يقرأ لك".

وكان مطرب المهرجانات حمو بيكا، هاجم الفنان تامر عبد المنعم، في بث مباشر عبر حسابه الشخصي بموقع "إنستجرام"، قائلا: "لقيت ندوة كبيرة معمولة والدنيا مقلوبة علينا، فيها ممثلين وواحد ممثل اسمه تامر عبد المنعم ويقولك أنا مش هتكلم غير لما الناس تنزل من على المسرح.. المكان اللي عامل عليه الندوة ده اسمه المنصة، متقولش مسرح أنت مش واقف تغني، الناس كلها بتتكلم باسم مصر، وأنا بحمل هوية مصرية وعندي ولاء أكتر منكم في البلد دي".

وتابع: "كنت فين لما نزلت أنا وجمهوري يوم عيد أكتوبر وعملنا احتفالية في الميادين المختلفة، هو أنتوا ليه بتتنمروا علينا، ليه بتعاملونا كأننا حشرة ليه شايفنا زبالة .. لا إحنا ولاد ناس ومتربيين وعاملين ندوة كبيرة ماتستهزأش بيا، عصر أم كلثوم وعبد الحليم انتهى، إحنا في سنة 2021 ".

وكانت قد أقيمت مساء أمس الثلاثاء، ندوة للفنان هاني شاكر، نقيب المهن الموسيقية، في صالون قصر السينما، بحضور رئيس قصر السينما الفنان تامر عبد المنعم، والمخرج هشام عطوة رئيس الهيئة العامة لقصور للثقافة والفنان أحمد صيام وفوزى إبراهيم ممثلا عن جمعية المؤلفين والملحنين، وأعضاء مجلس نقابة الموسيقيين.